பகவான் ஸ்ரீ சத்யசாயி பாபாவின் மகிமைகள் வார்த்தைகளுக்குள் அடக்கமுடியாதவை!குறிப்பாக பாபாவின் முதன்மையான மகிமையாகிய அவரின் உபதேச மொழிகள், அன்பெனும் உன்னத மொழியை அடிப்படையாகக் கொண்ட போதிலும் பாபாவின் பிறந்த தேசத்து மொழியாகிய சுந்தரத் தெலுங்கில் வழங்கப்பட்டது! பாபா வழங்கிய அவரது தெய்வீகப் பேருரைகளையும், அவரால் நிகழ்ந்த மகிமை சம்பவங்களையும் தமிழ் உட்பட பலநூறு மொழிகளில் மொழிபெயர்த்து சேவையாற்றியுள்ளனர் மூத்த சாயி பக்தர்கள். அந்த வகையில், ஒரு நவீன முயற்சியாக... பாபாவின் மகிமைகளை, அருளுரைகளை, கொஞ்சும் தமிழில்... கவிதை நடையில்... வழங்கும் தொடர் இது! பாபா வழங்கிய தெய்வீக வழிகாட்டல்களின் சாரம் குன்றாமல், மகிமைகள் சுவாரஸ்யம் குலைவுறாமல்... தமிழமுதத் தேன் சேர்த்து அழகு நடையில் வழங்குகிறது இந்தத் தொடர்!
