ஆந்திர சித்தூர் காளஹஸ்தியில் சுக பிரம்மாஷ்ரம் நிறுவிய சுவாமிகள் இறைவன் ஸ்ரீ சத்ய சாயி அவதாரம் பற்றி பகிர்ந்த சத்திய வாக்கும்...அவர் அடைந்த சுவாரஸ்ய அனுபவமும் இதோ...
ஏப்ரல் 13 1914 ல் ஆனந்த வருடத்தில் பிறந்தவர் சுவாமிகள்...ஆனந்த மோகன் இயற்பெயர்... விஜயவாடாவில் பள்ளி படிப்பு...பிறகு பி.ஏ வரை படிக்கிறார்... ஒருமுறை ரிஷிகேஷ் கங்கையில் மூழ்கிய போது பூக்கள் நிரம்பிய சமஸ்கிருத கீதை புத்தகம் இவர் கைகளில் தோன்றியதே ஆன்ம திருப்புமுனையாக அமைந்துவிடுகிறது!
ஒருமுறை தர்மாவரத்தில் கீதை உபன்யாசம் இவர் புரிகிற போது.. புட்டபர்த்தி ஷேத்திரத்தை பற்றி கேள்விப்படுகிறார்... அங்குள்ளவர்கள் சிலர் ஆன்மீகக் கேள்விகளை இவரிடம் கேட்க... நீங்கள் ஸ்ரீ சத்ய சாயி எனும் கல்ப விருட்ச நிழலிலேயே குடியிருக்கிற போது.. அந்த பேரதிர்ஷ்டமே போதுமானது என்கிறார்! சர்வ வல்லமை வாய்ந்த பரப்பிரம்மமே ஸ்ரீ சத்ய சாயி வடிவம் இந்த பூமியில் எடுத்திருக்கிற போது அடியேன் உங்களிடம் சொல்வதற்கு என்ன இருக்கிறது?! என்கிறார்!
"ஸ்ரீ சத்ய சாயியுடைய தரிசனமும் அவரது தெய்வீக மொழிகளை கேட்டபிறகே பலர் மேன்மையான மனிதர்களாக உருமாறிக் கொண்டிருக்கிறார்கள்... இன்னமும் பலர் ஆன்ம முன்னேற்றம் அடைவார்கள்... இது தான் தர்ம சமஸ்தாபனம் (Re-Establishment of Dharma) பாபா பலரை அதர்ம வழியில் இருந்து தர்ம வழிக்கு அழைத்துச் செல்கிறார்! இது நாட்டின் மேன்மையையும் உள்ளடக்கி இருக்கிறது! மேலும் இது உலக அமைதியை முன்னெடுத்துச் செல்கிறது! பாபாவின் ஆசீர்வாதங்களினால் பலர் உடல் நலம் - மன நலம் - ஆன்ம நலம் ஆகிய மூன்றிலும் ஆரோக்கியமாக திகழ்கிறார்கள்... துன்பத்திலிருந்து பேரானந்தத்திற்கு சுவாமி அழைத்து வருவது மனித இனத்திற்கே மாபெரும் சேவையாக அமைகிறது! பாபாவின் அவதாரம் என்பது தெய்வீகப் பேராற்றலைத் தவிர வேறெதுவும் அல்ல... என் வாழ்க்கையே என் செய்தி என்கிறார் பாபா... எவர் ஒருவர் பாபாவின் வாழ்க்கையை பின்பற்றினாலும் அவர்களின் வாழ்க்கை அர்த்தமுள்ளதாகிவிடுகிறது!
சாது பரிஷத் என்கிற சாதுக்களின் கூடல் புட்டபர்த்தியில் நிகழ்கிற போது பாபா சுவாமிகளை அழைத்து நன்றாக கவனித்துக் கொள்கிறார்... சுவாமிகள் இயற்றிய கீதா மகரந்தம் எனும் குருநூலை வெகுவாக பாராட்டிய அன்பையும் கருணையையும் சுவாமிகளின் மேல் பொழிகிறார்... புகைப்படமும் எடுத்துக் கொள்கிறார்! அந்த சுவர்ணமுகி நதி சித்ராவதி நதியோடு கலந்து பேரானந்தம் அடைகிறது!
(Proof : Sri SathyaSai and Yogis / Page no: 15 / Author : Jantyala Suman babu / Translation : pidatala Gopi Krishna/ Source: Sri Sathya Sai Divya Leeamrutham Part 2 & Eternal Charioteer (Trust Publication) - Pg46 )
துறவிகள் தூயப்பிறவிகள் அவர்கள் போதிமரக்கிளையில் ஞானகானம் இசைக்கும் குருவிகள்! அப்படி கானம் இசைக்கையில் பாபாவின் பரிபூரண காற்று தவழ்ந்து அந்தக் கிளையை தாலாட்டுகிற போது... அந்த காவிய கான குருவிகளின் மொழிகளில் "சத்ய சாயி சத்ய சாயி" எனும் திருநாமம் இடம் பெறாமல் போவதே இல்லை! காவிகளின் அரைகூவலிலேயே பிரேம காவியங்களின் உதயம் நிகழ்ந்து கொண்டே இருக்கிறது...!
பக்தியுடன்
வைரபாரதி
கருத்துகள் இல்லை:
கருத்துரையிடுக