யார் இந்த விஸ்வநாதன் ? யார் அந்த அழகி ?
இன்டர்நெட் புழக்கமும் இல்லந்தோறும் கைப்பேசிகளும் பல்கிப் பெருகிய இன்றைய சூழலில் வேண்டுமானால் இந்திய மொழிகளில் தட்டச்சு செய்வது சுலபமாக உணரப்படலாம்! ஆனால் இந்த நூற்றாண்டின் துவக்கத்தில்... நமது பாரதம் மென்பொருள் சேவைத் துறையின் வானத்தில் சூரியனாய் சுடர்விட ஆரம்பித்த புதிதில், ஏறத்தாழ ஒவ்வொரு இந்தியனும் தாய்மொழியில் தட்டச்சு செய்து கணினியை இயக்கத் துடித்துக் கொண்டிருந்தான். அந்த சமயத்தில், தமிழ் மற்றும் இந்திய மொழிகளுக்கான ஒலிபெயர்ப்புக் கருவிகளில் (Transliteration Software) ஒரு புரட்சியைச் செய்து **'அழகி' (Azhagi)** என்ற அற்புத மென்பொருள் உருவாக்கியவர் தான் இந்த திரு. விஸ்வநாதன்! இந்தக் கட்டுரையை வாசிக்கும் நீங்கள் ஒரு தமிழ் தட்டச்சு தொடர்பான பணியில் இருப்பவர் என்றால் அழகி மென்பொருளை உங்களுக்கு அறிமுகம் செய்யவோ அதன் மேன்மையை விளக்கிச் சொல்லவோ வேண்டிய அவசியமே இல்லை!